15 млн сўмни олаётган вақтда Кўкдала тумани ҳокимининг муқаддам талон-торож қилишда судланган ўринбосари қўлга олинди, деб хабар бермоқда ДХХ. Шунингдек, Андижон вилояти транспорт бошқармаси бошлиғи вазифасини вақтинча бажарувчи (муқаддам судланган) ҳам қўлга олинди.
Андижон вилоятида Буюк ипак йўлида жойлашган давлатлар, жумладан, Хитой билан ҳамкорликни кенгайтириш мақсадида 218 гектар майдонда «Ипак йўли» эркин иқтисодий зонаси ташкил этилмоқда. Аввалроқ Андижон вилояти ва Хитой инвесторлари ўртасида 3 миллиард долларлик келишувларга эришилган эди.
Шавкат Мирзиеёв Андижонда ўтказган йиғилишда вилоятни ривожлантириш бўйича қатор чора-тадбирларни маълум қилди. Хусусан, заргарлик махсус зонаси, мебелсозлик комплекси, янги иқтисодий зона ташкил этиш ҳамда тил ўргатувчи хусусий ўқув марказларини субсидиялашни бошлаш ва бошқалар режа қилинмоқда.
Андижон вилоятида Хитойнинг Lanzhou Guangtong New Energy Automobile компанияси билан биргаликда электробуслар йиғиш бошланади. Президентдан хитойлик ҳамкорлари электробусга ном беришни сўради, Мирзиёев эса уни «Ипак йўли» деб номлади.
Андижоннинг Хўжаобод туманига Жамшид Бозорбоев ҳоким этиб тайинланди. Ушбу лавозимга қадар у вилоят қурилиш ва уй-жой коммунал хўжалиги бош бошқармаси бошлиғи ўринбосари лавозимида ишлаб келаётганди.
Салкам 2 йилдан буён Андижон вилояти ҳокимининг хотин-қизлар масалалари бўйича ўринбосари сифатида ишлаб келган Гулнора Абдуллаева лавозимидан озод этилди. Унинг ўрнини Гулнора Аҳмедова эгаллади.
Андижон вилояти ҳокими Шуҳрат Абдураҳмоновнинг ёшлар билан учрашувида 12 ёшли бола китоблар етишмагани учун «Ёш китобхон» танловида юта олмаганини, шу сабаб маҳалласига кутубхона қуриб беришни сўради. Ҳоким кутубхона бир ойда қуриб берилишини, уни боланинг ўзи бошқаришини айтди.
4 декабрдан Андижон вилоятидаги газ тўлдириш шохобчаларида газ жадвалга мувофиқ — соат 06:00 дан 15:00 гача берила бошлади. Газ билан, биринчи навбатда, турар жой бинолари, электр энергияси ишлаб чиқарувчи корхоналар ва ижтимоий соҳа объектлари таъминланади.
Андижон вилояти ҳокимлиги ва хитойлик инвесторлар ўртасида Хонободда 12 млн долларлик йил давомида ишлайдиган ёпиқ муз курортини қуриш лойиҳаси муҳокама қилинди.
Марҳамат туманидаги нодавлат мактабгача таълим ташкилотида тарбиячи болалар танасининг турли қисмларига тарсаки туширгани аниқланди. У лавозимидан озод этилиб, боғча раҳбариятига интизомий чора қўлланди.
Олтинкўл туманидан ўтган Қорадарёдан 11 ёшли ўғил бола жасади топилди. Ҳолат бўйича суд тиббий экспертизаси тайинланган. Вилоят ФВБ навбатчи диспетчерлик хизматига сувда чўкиш бўйича хабар келиб тушмаган, дейилади бошқарма хабарида.
15 июль куни Олтинкўл туманида 21 ёшли аёл яшаш хонадонида ўзини осиб, вафот этгани айтилмоқда. Унинг отаси «Газета.uz»га ўлим сабабларидан шубҳаланаётгани ва қизининг мурдасида тан жароҳатлари бўлганини маълум қилди. «Фарзандимнинг ўзини заҳарлаши ва жароҳат етказишига умуман ишонмайман», — деди у.
Олтинкўл туманидан ўтган Катта Фарғона каналига чўмилиш мақсадида боргани айтилаётган 20 ёшли йигит чўкиб кетиб вафот этди. Ҳолат юзасидан тўпланган ҳужжатлар прокуратурага юборилган.
Андижон вилояти ИИБнинг 3 нафар ва МИБ Андижон шаҳри бўлимининг 1 нафар ходими талон-торожликлар ва мансаб сохтакорлиги бўйича судланмоқда. Дастлабки айблов хулосасига кўра, жиноят оқибатида 5,6 млрд сўмдан зиёд маблағ ўзлаштирилган.
13 июнь куни Олтинкўл туманидаги Қорадарёга 13 ва 12 яшар қариндош болалар чўкиб кетди. Улардан бирининг жасади топилган. Болаларнинг яқинларига кўра, воқеа улар балиқ тутишга борганида содир бўлган. Олти кундан буён 12 яшар бола қидирилмоқда.
Асака туманида 30 яшар шошилинч тиббий ёрдам шифокори беморнинг эри ва шериклари томонидан калтакланди. Бунга эрнинг рашк қилиши сабаб бўлгани айтилмоқда. Ҳолат ҳуқуқни муҳофаза қилиш органлари томонидан назоратга олинган.
Тармоқларда Хонобод шаҳар ҳокимлиги ходими пичоқлангани ҳақида хабарлар тарқалди. Бош прокуратурага кўра, жабрланган шахс ҳокимиятда эмас, Республикадаги қўмиталарнинг бирида ишлайди. Пичоқланган фуқаро тирик қолган. Ҳолат юзасидан жиноят иши қўзғатилиб, 1 нафар шахс гумонланувчи сифатида ушланган.
Тармоқларда Шаҳрихон туманида ИИО ходимлари фуқаролар билан муштлашаётгани акс этган видео тарқалди. Уч фуқарога ЖКнинг 3 та моддаси билан ҳужжат расмийлаштирилди. Ходимларнинг ҳаракатларига ҳуқуқий баҳо бериш мақсадида хизмат текшируви тайинланди.
Қатор интернет нашрлари, жумладан, давлат ОАВлари Андижон вилоятини қарийб 10 йил бошқарган Шуҳрат Абдураҳмоновнинг ишдан бўшатилгани ҳақида хабар берди. Аввалроқ унга тегишли дея тахмин қилинган интим видео тарқалганди. Ишдан олингани расман тасдиқланмади. Нашрлар ўз хабарларини рад эта бошлади.
Андижон шаҳрида қурилаётган 5 қаватли бинонинг плиталари қулаб, деворлари бузилди. Ушбу ҳолатда тегишли ҳужжатларсиз объектда қўшимча 2 қават қўшиб, қурилиш ишлари олиб борилгани ва жараёнда қоидаларга амал қилинмагани аниқланди.
Қўшимча имкониятларга эга булиш учун сайтда рўйхатдан ўтинг